Филмот „Зелена книга“, вистинска приказна за црн пијанист, ја освои главната награда на американската Академија за филмски уметности – Оскарот за најдобар филм.
Мексиканскиот режисер Алфонсо Куарон, кој веќе има освоено Оскар за најдобар режисер во 2014 за остварувањето „Гравитација“, и оваа година ја доби наградата во истата категорија за филмот „Рома“. Филмот доби и Оскари за најдобар странски филм и за фотографија.
Најдобра актерка е Оливија Колман за улогата во филмот „Миленичка“, а Оскарот за најдобар актер го освои Рами Малек за толкувањерто на Фреди Меркјури во „Боемска Рапсодија“.
Доделувањето на Оскарите во Долби театарот го одбележа дуетот на Лејди Гага и Бредли Купер кои во живо ја изведоа баладата „Shallow“ од филмот „Ѕвездата е родена“, која освои Оскар за најдобра песна.
Во продолжение добитниците на Оскари во неколку категории:
Најдобар филм – „Green Book“
Режисер – Алфонсо Куарон за „Roma“
Актер – Рами Малек за „Боемска Рапсодија“
Актерка – Оливија Колман, „Миленичка“
Актер во споредна улога – Махершала Али „Green Book“
Актерка во споредна улога – Реџина Кинг „If Beale Street Could Talk“
Оригинално сценарио – „Green Book“
Адаптирано сценарио – „BlackKklansman“
Странски филм – „Roma“
Долгометражен анимиран филм – „Spider-Man: Into the Spider-Verse“
Звук – „Боемска Рапсодија“
Визуелни ефекти – „First Man“
Филмска монтажа – „Боемска Рапсодија“
Краткометражен анимиран филм – „Bao“
Краткометражен документарец – „Period. End of Sentence.“
Оригинална песна – „Shallow“ од „Ѕвездата е родена“
Кинематографија – „Roma“
Костими – „Black Panther“
Шминка и фризура – „Vice“
Долгометражен документарец – „Free Solo“
