Македонскиот виртуоз на гитара Влатко Стефановски утре ќе одржи концерт пред Хрватскиот народен театар во Загреб. Настапот ќе биде дел од фестивалот „Св. Марко“, а влезот на концертот ќе биде бесплатен.
Како што најави музикологот Гордана Крпан, распоредот за концертот носи еден вид компилација од делата на Влатко Стефановски.
– Меѓу избраните песни повеќето се хитови што тој ги изведе првпат со групата „Леб и сол“, а потоа продолжи да ги изведува во различни верзии во текот на неговата кариера. Ова се традиционалните народни етнокласици „Абер Дојде Донке“ и „Јовано, Јованке“, како и авторските дела „Чукни во Дрво“ од албумот „Путујемо“ од 1989 година, „Бистра вода“ од албумот „Калабалак“ од 1983 година и „Чувам ноч од будних“ од албумот „Као какао“ од 1987 година – најави Крпан.
Во најавата понатаму се наведени македонските традиционални мелодии како „Касапско оро“, „Јано мори“, „Огреала месечина“, „Димитријо, сине Митре“ и „Македонско девојче“, кои се присутни на неколку негови албуми, но секогаш во различни аранжмани.
– Песната „Зошто си ме мајко родила“ им е посветена на Стево и Есма Теодосиевски, кои исто како и Стефановски ја славеа македонска музика – забележува Гордана Крпан, додавајќи дека повеќето од наведените песни – освен авторските „Чукни во Дрво“, „Бистра вода“ и „Чувам ноч од будних“ во верзии на акустична гитара, се собрани на албумот „Мајчин јазик“, објавен од дискографската куќа „Кроација рекордс“ во 2017 година како избор на најдобри македонски етнопесни во врвна изведба на гитара.
