Претседателот на Украина, Владимир Зеленски, денеска потпиша указ за зајакнување на одбранбените капацитети на земјата, со кој се предвидува зголемување на бројот на војници за 100.000 во следните три години, создавање дополнителни 20 бригади и зголемување на бројот на професионални војници, пренесува „Ројтерс“.
Зборувајќи на отворањето на седницата на Врховната влада, Зеленски рече дека тој указ не го донел затоа што наскоро ќе има војна, туку затоа што во Украина ќе има мир, пренесуваат агенциите. Тој посочи дека Украина мора да се потпре, пред сè, на сопствените сили, бидејќи, како што рече, никој освен самите Украинци нема да ја заштитат.
– Нашата татковина, навистина, има многу пријатели и ние сме им благодарни, но пријателите имаат своја татковина, запомнете го ова. Така, никој освен нас нема да ја заштити земјата, да ја спаси и да ја подигне. Мора да се потпреме само на себе – рече тој.
Западот ја обвинува Русија дека подготвува инвазија на Украина, додека Москва ги негира тие тврдења.
– Полска ќе ѝ помогне на Украина во снабдување со гас и оружје за да го поддржи својот поранешен советски сосед соочен со заканата од можна нова руска воена интервенција – изјави денеска во Киев премиерот Матеуш Моравјецки.
