Британската министерка за надворешни работи, Лиз Трас, изјави дека не може да има разговори со Русија за Украина додека има руски војници на украинска територија.
-Доколку Русите се сериозни за преговори треба да ги повлечат своите војници од Украина. Не може да преговараат со вперен пиштол на главата на Украинците. Искрено не верувам во овие таканаречени напори за преговори-изјави таа.
Се плаши дека ова ќе трае долг период, дури неколку години.
-Русија има силни сили и знаеме дека Украинците се храбри, тие се решени да застанат во одбрана на нивниот суверенитет и територијален интегритет и решени се да се борат-додава таа.
