Деновиве американскиот претседател Доналд Трамп му се закани на Иран со бомбардирање и воведување т.н. секундарни царини доколку Техеран не се приспособи и не постигне согласност со Вашингтон за нуклеарната програма
Опасност од отворање уште едно опасно воено жариште на Блискиот Исток
Деновиве една информација што се однесува на Блискиот Исток, попрецизно на односите на релацијата САД- Иран, ја вознемири јавноста, бидејќи со нејзиното објавување во јавноста се отвори реална перцепција за опасност од отворање уште едно опасно воено жариште.
Имено, деновиве американскиот претседател Доналд Трамп му се закани на Иран со бомбардирање и воведување т.н. секундарни царини доколку Техеран не се приспособи и не постигне договор со Вашингтон за нуклеарната програма.
Забелешки на американскиот претседател Трамп, проследени со експлицитна
закана кон Иран
Во првите забелешки откако Иран ги отфрли директните разговори со Вашингтон минатата недела, Трамп отворено за Ен-би-си њуз изјави дека американските и иранските претставници разговараат, но не наведе детали.
– Ако не постигнат договор, ќе има бомбардирање – рече Трамп во телефонското интервју.
Во продолжението на својата изјава тој додаде уште поголема енергичност и решителност.
– Тоа ќе биде бомбардирање какво што досега не виделе! Постои шанса ако не се договорат, да им наметнам секундарни тарифи како пред четири години – додаде тој.
Иран испрати одговор преку Оман на писмото на Трамп во кое тој го повикува Техеран да постигне нов нуклеарен договор, велејќи дека неговата политика не е да влегува во директни преговори со Соединетите Американски Држави додека е под нивен максимален притисок и воени закани, изјави во четвртокот министерот за надворешни работи на Техеран.
Одговор на официјален Техеран
Иранскиот претседател Масуд Пезешкијан во изјава во неделата ја потврди тврдата политика на САД.
– Директните преговори со САД беа отфрлени, но Иран отсекогаш бил вклучен во индиректни преговори, па дури и сега – изјави во јавноста врховниот лидер на Иран, додавајќи дека „индиректните преговори сè уште можат да продолжат“, мислејќи на Али Хамнеи.
За издвојување е дека претседателот на САД во интервјуто за Ен-би-си ги повтори своите закани, плус и воведување таканаречени секундарни царини, кои влијаат на купувачите на стоки од една земја, и за Русија и за Иран.
Како потврда на неговите закани е фактот што Трамп минатата недела потпиша извршна наредба со која се одобруваат такви тарифи за купувачите на венецуелската нафта.
Трамп не елаборираше за овие потенцијални царини.
За потсетување, во неговиот прв мандат во 2017-2021 година, Трамп ги повлече САД од договорот од 2015 година меѓу Иран и светските сили со кој беа поставени строги ограничувања на спорните нуклеарни активности на Техеран во замена за олеснување на санкциите.
Трамп исто така повторно воведе опсежни американски санкции. Оттогаш, Техеран во голема мера ги надмина договорените граници во својата растечка програма за збогатување ураниум. Техеран засега го отфрла предупредувањето на Трамп, но не реагираше никако за да направи евентуален договор или да потврди дека е подготвен да се соочи со евентуална воена кампања. Р.С.
