Портпаролката на руското Министерство за надворешни работи, Марија Захарова денеска изјави дека лидерите на НАТО предводени од САД на самитот што ќе се одржи идната недела, треба да разговараат за украинската нуклеарна централа Запорожје.
Лидерите на НАТО ќе се сретнат во Вилнус на 11 и 12 јули за да разговараат за широк спектар на теми, од поделбите околу кандидатурата на Украина за членство и пристапувањето на Шведска до зголемувањето на резервите на муниција и разгледувањето на првите одбранбени планови по децении.
Обвинувајќи ја Украина за „систематски предизвикување штета“ на нуклеарната централа Запорожје, Захарова рече дека „самитот на НАТО треба на тоа да посвети клучно внимание“.
– На крајот на краиштата, огромното мнозинство од членовите на Алијансата ќе бидат во зоната на директен удар ако нешто се случи во постројката – рече Захарова на апликацијата за размена на пораки „Телеграм“.
