Брисел – Европската комисија ќе објави нов извештај за Русија по консултациите со американскиот претседател Џо Бајден, кој исто така вчера се очекуваше да се состане со неговиот руски колега Владимир Путин во Женева. Новата стратегија на ЕУ за нејзиниот полн однос со Русија ќе се заснова истовремено врз одвраќање, ограничување и ангажирање со Москва, изјави шефот на европската дипломатија, Жозеп Борел, за новата стратегија, за која лидерите на ЕУ ќе разговараат следната недела.
Анкара – Грчкиот премиер Кирјакос Мицотакис и турскиот претседател Реџеп Таип Ердоган за време на нивната средба во Брисел се согласиле дека и покрај дијаметрално спротивните позиции на двете земји за различни теми, дека во 2021 година не треба да се повтори тензијата од 2020 година, соопшти портпаролката на грчката влада, Аристотелиа Пелони. На редовниот брифинг со новинарите, Пелони објасни дека Мицотакис и Ердоган се согласиле дека е позитивен фактот што имаат директен контакт и што се активирани сите постојни канали на комуникација.
Москва – Руската вакцина „Спутник V“ е поефикасна во заштитата од индиски вид на коронавирус отколку вакцините од други производители, објави Рускиот инвестициски фонд (РДИФ). Кон крајот на април, раководителот на Рускиот национален институт за епидемиологија и микробиологија „Гамалеја“, кој ја разви вакцината, Александар Гинтсбург, рече дека „Спутник V“ произведува доволно антитела за борба против индискиот коронавирус. Русија беше прва во светот што регистрираше вакцина против коронавирусот на 11 август минатата година.
Пјонгјанг – Севернокорејскиот лидер Ким Џонг-ун изјави дека состојбата со храна во изолираната комунистичка земја станува напната поради пандемијата на коронавирусот и минатогодишниот тајфун, објави државната новинска агенција КЦНА.
