Кинеското министерство за надворешни работи денеска соопшти дека извештаите за кинеско-руска координација пред руската специјална операција во Украина се „лажни вести“. Портпаролот на кинеското МНР Ванг Венбин, таквата пракса за одвлекување на вниманието и префрлање на внината ја оцени како „вредна за презир“.
„Њујорк тајмс“ на почетокот на февруари објави дека високи кинески функциониери побарала од руските колеги нападот на Украина да не биде додека не завршат Зимските олимписки игри во Пекинг. Весникот се повика на високи лица од администрацијата на Џо Бајден и европски дипломати, кои своите тврдења ги изнеле откако имале увид во разузнавачки извештаи на западни земји.
