Во областа Бистрица-Насауд во Романија е пронајдено беспилотно летало, а романското обвинителство соопшти дека е покрената кривична постапка и дека не се знае од каде полетало.
– Потеклото на леталото сѐ уште не е утврдено, а неговиот сопственик не е идентификуван. Во тек е истрага за да се утврдат околностите под кои полетало и да се идентификува кој го управувал – изјавија обвинители од областа Клуж.
Од полицијата на областа Бистрица-Насауд изјавиле дека леталото го пронашол млад човек во нива во близина на неговата куќа.
Во четвртокот вечерта минатата недела, беспилотно летало од советско производство се урна во непосредна близина на Студентскиот дом во Загреб, откако претходно ги прелетал Романија и Унгарија, при што беа оштетени 40 автомобили, но никој не беше повреден.
