По кибер-нападите врз институциите во Албанија од страна на Иран, телефонски разговарале албанскиот премиер Еди Рама и генералниот секретар на НАТО, Јенс Столтенберг.
Според албанските медиуми, Стoлтенберг преку објава на Твитер нагласува дека НАТО ќе понуди целосна поддршка и солидарност со Албанија.
– За кибер нападите против нашиот сојузник Албанија, кои многу сојузници му ги припишуваа на Иран, НАТО ќе продолжи да дава поддршка и да стои во целосна солидарност со Албанија – напишал Столтенберг.
За истото прашање Рама вчера телефонски разговарал со американскиот државен секретар Ентони Блинкен кој го осудил нападот на 9 септември врз албанските гранични контролни системи, кој следи по кибер-нападите на Иран врз владините системи на Албанија на 15 јули.
Блинкен ја истакнал важноста на соработката меѓу САД и Албанија, како сојузник во НАТО, за регионалната безбедност.
