Бугарија
Бугарските социјалисти, партнер во владата на заминување на центристичкиот премиер, нема да ја поддржат новата влада на Кирил Петков. Социјалистите, кои се сметаат како проруски ориентирани, сметаат дека е неприфатливо протерувањето уште на 70 руски дипломати поради наводни сомневања за шпионажа.
– Ги запираме сите преговори со партијата Промените продолжуваат за формирање влада. Одлуката за протерување 70 руски дипломати е невидена. Сметаме дека е целосно неприфатлива – изјави лидерката на БСП и заменичка на премиерот на заминување Корнелија Нинова.
Нинова рече дека Петков одлуката за протерување на руските дипломати ја донел без одобрување на бугарската влада, како и дека нејзината партија би можела да се врати на преговарачката маса за формирање на новата коалициска влада со Продолжуваме со промените доколку Петков биде номиниран за премиер.
Претседателот Румен Радев, кој не се согласува со некои одлуки на Кирил Петков, одби да го коментира протерувањето, велејќи дека нема доволно детални информации, но рече дека се надева дека Петков ги зел предвид можните последици.
Пред сослушувањето зад затворени врати во парламентот за протерувањето на руските дипломати, Петков рекол дека одлуката е донесена по заседавање на националниот совет за безбедност уште на 9 јуни, врз основа на наводи на разузнавањето од мај и јуни.
Партијата Продолжуваме со промените на Петков се обидува да формира мнозинство за новата влада, откако на неговата влада минатата седмица ѝ беше изгласана недоверба откако поддршката ја повлекоа пратеници на партијата Има таков народ и на руското малцинство ДПС.
Претседателот на Бугарија, Румен Радев, денеска ќе му го врачи мандатот на кандидатот за премиер, предложен од најголемата пратеничка група во Народното собрание – Продолжуваме со промените, за формирање влада во рамките на сегашниот парламент, соопштија од кабинетот на Радев.
