Франција и Германија, две земји каде многу албански граѓани побараа азил во последниот бран на имиграција во Албанија, повеќе не се посакувана дестинација за нив.
Податоците на Евростат покажуваат дека за првпат во последните години, Италија, „старата љубов“ на Албанците, повторно стана главен примател на барања за азил.
-Според Евростат, во Италија во првото тромесечје од годинава се регистрирани вкупно 465 барања за азил, што е зголемување од 4,5 отсто во споредба со истиот период минатата година. Италија е на прво место по баратели на азил, со 32 отсто од вкупните барања, додека во последните три години беше на третото место, зад Франција и Германија – објавија албанските медиуми.
Барањата за азил во Франција, земја која во последните години привлече многу баратели на азил поради своите политики за социјална заштита, нагло се намалија.
-Во првите три месеци од годината имало 355 барања, што е намалување од 46 посто во однос на истиот период од претходната година. Во споредба со 2022 година, кога го достигнаа својот врв, бројот на барањата е четирипати помал. Истиот тренд се случи и во Германија. Барањата во оваа земја биле само 230 во периодот јануари-март 2025 година, што е намалување од 54 отсто во однос на истиот период од претходната година и три пати помали отколку во 2022 година – наведуваат медиумите.
Трендот кон оваа земја е со добиени дозволи за работа, особено професии како што се лекари, медицински сестри и информатичка технологија. Грција се искачи на третото место, претекнувајќи ја Германија, со стабилни 245 апликации.
На четврто место е Белгија, со 85 барања, што е намалување од 19%. Во Ирска, аплицирале 30 лица, што е намалување од 45%. Во другите земји, барањата за азил се минимални.
Инаку, во периодот јануари-март, регистрирани се вкупно 1.445 барања за азил од албански државјани во ЕУ, што е намалување од 30% во споредба со истиот период минатата година. Ова е најмал број барања за азил од истиот период во 2021 година, кога имаше ограничувања за движење поради пандемијата.
Во споредба со 2022 година, кога бил забележан постпандемискиот рекорд, бројот на барањата за азил во периодот јануари-март 2025 година се за 51 отсто помал.
