Бродот на норвешката компанија ПГС, „Рамформ Титан“ од утре ќе почне со прибирање геофизички податоци од дното на Јадранското Море во близина на брегот на Црна Гора, со што ќе стартува втората фаза на истражување на јаглеводороди во црногорското приморје.
Бродот „Рамформ Титан“ денеска вплови во црногорските територијани води и се стационира на околу една наутичка милја од брегот, во близина на пристаништето Бар.
Предвидено е истражувањето да трае до 10 февруари, при што ќе бидат прибрани 3Д геофизички податоци од подрачје со вкупна површина од 338 квадратни километри на потегот меѓу Бар и Будва.
