Партијата на Слави Трифонов, Има таков народ, вчера го повлече составот на Владата и објави дека се подготвува за нови избори. ИТН го прави ова со аргумент дека го исполнува своето ветување оти воопшто нема да понуди кабинет доколку нема поддршка од партиите ИСБН и ДБ.
Слави Трифонов ја нарече нивната одлука предавство, иако изјави дека зборот „предавство“ сам по себе не е навредлив, туку номинативно наведува факт. Тој рече дека Бугарија е пред нови предвремени избори, бидејќи ИТН нема да ги поддржи ниту владата на ГЕРБ, ниту владата на ДБ и ИСБН.
Партијата на Слави Трифонов нема да поддржи партија или коалиција што ќе добие трет мандат од претседателот на Бугарија, Румен Радев.
Тошко Јорданов, пратеник од ИТН, завчера изјави дека скандалите околу кандидатот за министер за внатрешни работи Петар Илиев биле само повод другите со кои разговарале да им ја одбијат поддршката.
Јорданов ги нарече „предавници“ луѓето од Стани БГ. Доаѓаме и додаде дека со нив разговарале за смената на бугарскиот главен обвинител Иван Гешев и за повторно пресметување на пензиите, но ништо не направиле за тоа да се случи и дека ги предале протестите од летото 2020 година.
Маја Манолова од Стани БГ. Доаѓаме смета дека партијата на Ахмед Доган, ДПС, стои зад предлог-владата на Има таков народ.
