Американскиот претседател Доналд Трамп ја потпиша уредбата за полициски реформи. Целта на уредбата, според висок функционер на администрацијата, е да се инвестира повеќе и да се поттикне добрата практика.
Пред потпишувањето, висок функционер на администрацијата рече дека главниот дел ќе биде создавање на овластени тела за обука на полицајци за техники на деескалација и стандарди за употреба на сила. Вториот дел треба да изврши притисок за создавање на т.н. заеднички служби за одговор, систем во кој полициските службеници, заедно со социјални работници, одговараат на повици кои не се поврзани со насилство, особено оние поврзани со менталното здравје и загриженоста за употреба на дрога.
Предлозите за полициска реформа следуваат по протестите низ целата земја, во врска со смртта на Џорџ Флојд, Афроамериканец, за време на полициско апсење во Минеаполис, Минесота.
