Експлозивната направа била активирана пред продавница со полски производи во холандскиот град Бевервијк, соопшти полицијата, што е трет ваков напад во последните 24 часа.
Нема повредени и жртви, но материјалната штета е голема, соопшти полицијата.
Тоа е трета експлозија пред полските продавници, по оние во вторникот наутро во Алсмер на север и Хертогенбош на југоисток од земјата.
Засега не се познати сторителите и нивните мотиви.
Двете продавници се во сопственост на лице кое не е со полско потекло.
