Поранешниот италијански премиер Силвио Берлускони (84) ја напушти болницата во Милано во Сан Рафаеле, каде престојуваше пет дена, изјави портпаролот на неговата партија.
Берлускони излегол преку страничниот излез, а фотографите и снимателите не го виделе пред главната врата, пренесува „Ројтерс“.
Последните денови се засилија шпекулациите дека здравјето на Берлускони се влошува. Неговите лекари не објавија детално ажурирање на неговата состојба со недели, но неговата партија во петокот негираше дека тој е во критична состојба.
– Не е време за некролози – рече еден партиски извор.
Бизнисменот милијардер неколкупати се пријавил во болница откако во септември минатата година се разболе од коронавирусот.
Тој тогаш им изјави на новинарите дека го преживеал „најопасниот предизвик“ во неговиот живот, но неименувани извори подоцна рекоа дека тој сè уште ги чувствува ефектите на вирусот, пренесува „Ројтерс“.
Тој беше хоспитализиран во март, а потоа двапати во април. Берлускони исто така отиде во болница во јануари поради проблеми со срцето.
