Мојата цел е да создадам можности што атлетичарите отсекогаш ги посакувале и да ги ставам на сцена што е достојна за нивната големина, со трки што значат нешто. За да го направите тоа, треба да ги имате најдобрите што се натпреваруваат еден против друг. Тоа е она што го има за најголемите спортови во светот. Тоа е она што го создаваме, изјави Мајкл Џонсон, американскиот четирикратен олимписки шампион. На митинзите в година во Кингстон, Мајами, Филаделфија и во Лос Анџелес ќе има трки во кратки и долги спринтови, кратки и долги трки со пречки и на кратки и долги патеки
АТЛЕТИКА
Гранслем-митинзите за атлетски трки на патека на Мајкл Џонсон се поставени за својата инаугуративна сезона в година. Американскиот четирикратен олимписки првак Џонсон го најави натпреварувањето во јуни, пред Летните олимписки игри (ЛОИ). Во обид да ги искористи вниманието и возбудата што атлетиката ги создава секои четири години на ЛОИ, целта на Џонсон е да го задржи тој интерес со собирање на најбрзите атлетичари во светот на четири тридневни настани секоја година, пишува „Би-би-си“.
– Мојата цел е да создадам можности што атлетичарите отсекогаш ги посакувале и да ги ставам на сцена што е достојна за нивната големина, со трки што значат нешто. За да го направите тоа, треба да ги имате најдобрите што се натпреваруваат еден против друг. Тоа е она што го има за најголемите спортови во светот. Тоа е она што го создаваме – изјави Џонсон за „Би-би-си“.
Најавите за големи имиња и високи парични награди помогнаа да се создаде возбуда. Џонсон беше дел од успешната кандидатура на Лос Анџелес за домаќин на ЛОИ 2028, а градот беше најавен и како локација за гранслем-трки во 2025 година. Преку поредовни директни дуели меѓу најбрзите мажи и жени во светот, гранслем-настаните имаат цел да ги интензивираат конкуренцијата и ривалството меѓу атлетичарите што инаку ретко би можеле да се сретнат, а да им користи и на гледачите, пишува „Би-би-си“. Како поранешен натпреварувач, Џонсон сака да обезбеди и атлетичарите да бидат соодветно финансиски наградени. Покрај наградниот фонд од 12,6 милиони долари, 48 атлетичари ќе добијат основна сума за да се натпреваруваат на сите четири гранслем-митинзи.
На секој митинг на тркачите им се придружуваат 48 предизвикувачи во една од шесте групи за мажи и за жени, кратки и долги спринтови, кратки и долги трки со пречки и кратки и долги патеки, при што секој атлетичар трча на два настана. Атлетичарите добиваат поени за освоеното место во двете трки. Комбинираните резултати го одредуваат првакот на секој гранслем и освојувачот на 100.000 долари, пишува „Би-би-си“. Митинзите ќе се одржат во Кингстон (Јамајка), Мајами, Филаделфија и во Лос Анџелес (САД).
В година атлетичарите ќе го имаат новото Светско првенство на отворено, во Токио, во септември, а во март има и Светско првенство во сала во Нанџинг. Дијамантската лига повторно ќе има 15 митинзи во 2025 година и објави рекордна наградна сума во вкупна вредност од 9,2 милиони долари. Сиднеј Меклафлин-Левроне (САД), олимписката шампионка на 400 метри со пречки и светска рекордерка, беше првата тркачка што беше најавена во јуни.
– Приказната со Сиднеј е проблемот со спортот. Кога ја прашав зошто не се трка многу, таа рече дека сака да се трка, но кога го прави тоа, сака тоа да значи нешто – рече Џонсон, пренесе „Би-би-си“.
Во минатата недела освојувачката на златен медал на 200 метри на ЛОИ, Габи Томас, стана 38-та од 48-те тркачи што беа потврдени за настап. Ќе биде присутен целосниот олимписки подиум на 1.500 метри за мажи… Најголемата реакција што ја доби Џонсон е за исклучувањето на половина од атлетиката.
– Го сакам овој спорт. Но имав време да заклучам дека ако продолжиме да го правиме истото, како „кажете им на луѓето дека треба да го сакате ова“ или „треба да го разберете ова“, тоа не функционира. Гранслем-митинзите се за трки на патека, тоа е она што го правиме. Ќе го спасам она што мислам дека можам да го спасам, трките на патеката, не мислам дека можам да ги спасам натпреварите и на патека и во техничките дисциплини. Соединувањето на двете работи заедно функционира на ЛОИ и на светските првенства, но не сум сигурен дека функционира кога се обидувате да создадете професионален спорт надвор од тие глобални натпревари – рече Џонсон.
Други, исто така, бараат да се приспособат на променливиот пејзаж, не само Светската атлетика (СА), која годинава објави нов тридневен натпревар. Ултимативното светско првенство ќе се одржи првпат во 2026 година, при што шампионите ќе заработат 150.000 долари на митинг на крајот од сезоната.
Светски шампиони, олимписки прваци, победници на Дијамантската лига и атлетичарите со најдобри перформанси во годината ќе се натпреваруваат меѓу себе, за да го крунисаат крајниот шампион, пишува СА.
– Имавме многу разговори со Светската атлетика и слушавме многу што зборуваа тие низ годините. Тие сакаат да го развијат спортот во САД, атлетичарите да бидат поплатени, да поттикнат повеќе иновации во спортот. Кога седнавме да изградиме гранслем-митинзи, го слушавме тоа, изградивме гранслем за да ги направиме сите тие работи – рече Џонсон. Н.М.
