ФОРМУЛА 1
Двојниот светски шампион Макс Ферстапен може да израмни рекорд во Формула 1 на трката за големата награда на САД, в недела во Остин. Ферстапен ќе оди на уште една победа со која ќе се израмни со германските великани Михаел Шумахер и Себастијан Фетел како возачи, кои постигнале по 13 победи во една сезона. Ферстапен има уште неколку рекорди за достигнување во преостанатите трки од сезоната. Ферстапен веќе има 365 поени во досегашниот тек од сезоната, што значи дека има шанса да го собори рекордот на Британецот Луис Хамилтон со најмногу поени во една сезона, кој е 419. Сезонава има уште вкупно четири трки и еден спринт.
Холанѓанецот Ферстапен моментно има 113 поени предност пред неговиот тимски колега Серхио Перез, што значи дека може да го надмине рекордот за најголема разлика во една сезона, а рекордот е титулата на Фетел со 155 поени предност пред Фернандо Алонсо во 2013 година. Хамилтон и Ферстапен бркаат различни рекорди до крајот на сезоната, откако Хамилтон е изедначен со Шумахер за рекордот во победи на трки во 15 последователни сезони, а по 18 трки тој сезонава нема триумф.
