АЛПСКО СКИЈАЊЕ – СВЕТСКИ КУП
Австрискиот машки брзински тим во алпско скијање ја почна сезоната на вистински начин, забележувајќи т.н. „1-2 победа“ во спустот на Светскиот куп возен во Лејк Луис (Канада). Матијас Маер беше прв, а второто место го освои Винсент Крајхемаер, со разлика од 23 стотинки. Третото место му припадна на четирикратниот освојувач на кристалниот глобус во спуст, Беат Фојц од Швајцарија. Сите тројца се повеќекратни олимписки и светски шампиони или победници на светските купови. Вчера се возеше нова брзинска трка во Лејк Луис, супервелеслалом.
