РАКОМЕТ – ЖДРЕПКА НА ЕХФ
Кадетките и младинките годинава ќе играат на ЕП во Црна Гора
Европската ракометна федерација (ЕХФ) вчера извлекуваше ждрепки за две младински континентални првенства за ракометарки, кои годинава треба да се одржат во Црна Гора. Младинското е од 9 до 20 јули, а кадетското од 30 јули до 10 август. Кадетската селекција на Македонија (за ракометарки до 17 години) ќе игра во групата Б, со Португалија, Германија и со Словачка. Младинската репрезентација (до 19 години), пак, е во групата А, заедно со Унгарија, Чешка и со Полска. Н.М.
СП 2025 ВО РАКОМЕТ ЗА МАЖИ
Вечерва ќе бидат познати сите полуфиналисти
По синоќешните мечеви Хрватска – Унгарија и Франција – Египет, познати беа првите полуфиналисти на Светското првенство (СП) за сениори што се игра во Хрватска, Данска и во Норвешка. Денеска на програмата се уште два дуела, Данска – Бразил и Португалија – Германија.
Во првото полуфинале на СП 2025 утре ќе играат победниците на дуелите од синоќа, а в петок ќе се сретнат победниците на денешните натпревари. Средбите за медали на програмата се в недела. Актуелен трикратен првак е репрезентацијата на Данска. Н.М.
СП 2025, ЧЕТВРТ-ФИНАЛЕ
1. Хрватска – Унгарија синоќа
2. Франција – Египет синоќа
3. Данска – Бразил 17.30 ч.
4. Португалија – Германија 20.30 ч.
ПОЛУФИНАЛЕ
Победник 1 – Победник 2 утре, 20.30 ч.
Победник 3 – Победник 4 петок, 20.30 ч.
мечевите за третото место и за
титулата се в недела
