Фудбалерите на Барселона, едни од најплатените во светот на фудбалот, се согласни да добијат намалување на платата поради прекинот на сезоната поради коронавирусот, тврди шпанскиот весник „Мундо депортиво“.
Платите на тимот се „одговорни“ за 53 отсто од целосниот годишен буџет на тимот оваа година, и претседателот Жосеп Марија Бартомеу веќе разговорал со фудбалерите, кои биле отворени за идејата за намалување на платата.
Според „Мундо“, Бартомеу зборувал со Лео Меси, Серхио Бускетс, Серхи Роберто и Жерард Пике.
