ФУДБАЛ
- Еберечи Езе од Арсенал и Михаел Олисе од Баерн се добри пријатели од нивните три сезони во Кристал палас, врска што беше зајакната преку нивната љубов кон шахот, пишува „Би-би-си“. Минатата недела играа еден против друг во дербито на ЛШ. Откако Олисе го научи Езе како да игра шах, двајцата често ги вадеа фигурите за натпревар на тренинг-теренот на Палас, помагајќи да се создаде врска што доведе до она што понекогаш се опишуваше како телепатско разбирање на теренот
Додека средбата на Арсенал во Лигата на шампионите со Баерн беше натпревар помеѓу два европски клуба во најдобра форма, двата до минатото коло беа со 100-отстотен успех и двата имаа шест бода предност на домашен терен, тоа беше и обединување и пријателско соперништво помеѓу двајца клучни напаѓачи. Натпреварот имаше и лично значење за двајца од најкреативните и најформирани напаѓачи во Европа, кои се сретнаа еден против друг само 18 месеци откако играа заедно во Премиерлигата.
Еберечи Езе од Арсенал и Михаел Олисе од Баерн се добри пријатели од нивните три сезони заедно во Кристал палас, врска што беше зајакната преку нивната љубов кон шахот, пишува „Би-би-си“. Откако францускиот репрезентативец Олисе го научи Езе како да ја игра играта, двајцата често ги вадеа фигурите за натпревар на тренинг-теренот на Палас, помагајќи да се создаде врска што доведе до она што понекогаш се опишуваше како телепатско разбирање на теренот.
– Не почнав да учам шах додека не дојде Михаел. Тој и мојот брат ме поттикнаа да научам како да играм и да се соочам со нив, па тогаш почнав да учам, гледајќи видеа од најдобрите шаховски отворања – рече Езе, зборувајќи за Атлетик, пренесе „Би-би-си“.
Двајцата играчи поминаа сличен пат во последните неколку години, издигнувајќи се од дивизијата Чемпионшип до исполнување на својот потенцијал во Кристал палас. Тие заедно постигнаа осум гола за тој тим, а Олисе ги обезбеди сите осум асистенции за головите на Езе. Сега, тие се натпреваруваа еден против друг на врвот на европската игра и се подготвени да настапат за своите репрезентации на Светското првенство.
Но, дали некој од нив ќе му помогне на својот тим да стигне до позицијата шах-мат до крајот на сезоната, пишува „Би-би-си“. За Олисе, работите тргнаа добро откако се пресели во Минхен, тој беше номиниран за „Златната топка“, стана редовен играч на француската репрезентација и ја освои Бундеслигата. Минатата недела беше одлична за Езе, го постигна својот прв хет-трик во сениорскиот фудбал и прв во дербито на северен Лондон од 1978 година, кога Арсенал го победи Тотенхем со 4-1. Летово пристигна во Арсенал откако му помогна на Кристал палас да го освои ФА-купот, а англискиот репрезентативец има пет гола и три асистенции во сите натпреварувања сезонава и ужива во притисокот од играњето за Арсенал. Н.М.
