Животни
Сопственикот е целиот свет за секое куче и тој треба да му возврати на љубовта што е можно повеќе. Некои раси се особено заштитнички, откријте кои се петте раси на кучиња што се подготвени да направат сѐ за своите сопственици.
Акита: Оваа раса е исклучително лојална и силно приврзана за својот сопственик, а исто така е и многу интелигентна. Позната е по тоа што е исклучително заштитничка и кон сопствениците и кон својот дом и е многу внимателна кон странците.
Ротвајлер: Раса одгледана во Римската Империја за чување и заштита на добитокот. Додека се опкружени со своето семејство, ротвајлерите имаат тенденција да се однесуваат диво, но во друштво на странци тие ќе бидат претпазливи и заштитнички. Раната социјализација и дресура се неопходни за ротвајлерот да не стане агресивен.
Доберман: Доберманите изгледаат сериозно и остро, но всушност тие се многу нежни кучиња, кои сакаат да бидат блиску до својот сопственик и да ги чувствуваат неговиот допир и галење. Тие често се резервирани кон странци и можат да насетат дали некоја личност е опасна.
Германски овчар: Најпознатите полициски и воени кучиња, германските овчари, имаат генетика да го заштитат своето семејство. Правилната дресура и социјализација се многу важни за германскиот овчар бидејќи во спротивно може да стане многу агресивен.
Малиноа, белгиски овчар: Припадниците на оваа раса имаат исклучително силен заштитен инстинкт и без цврсто водство и дресура можат да станат многу агресивни и сериозно да повредат други домашни миленици и луѓе. На ова силно и интелигентно куче му треба многу физичка активност и ментална стимулација.
