Одредени намирници ја губат својата хранлива вредност по термичка обработка, па затоа е подобро да се јадат сурови.
Цвекло: Цвеклото е хранливо и богато со фолна киселина, која е важна за развојот на мозокот. Цвеклото во исхраната на човекот, покрај енергетската вредност, има и биолошка вредност поради содржината на витамини, макро и микроелементи. Неговото богатство со минерали, јаглехидрати, масти и протеини го прави здрава, но и честа намирница.
Морков: Во споредба со варениот морков, суровиот морков е многу похранлив. Покрај тоа што е богат со витамини, минерали и влакна, морковот е и добар извор на антиоксиданси. Само еден морков со средна големина, тежок околу 60 грама, содржи: 25 калории, 5,8 грама јаглехидрати, 1,7 грама влакна, 0,9 протеини, калциум и калиум, лутеин, бета каротин, витамини Е и К, Ц и А.
Спанаќ: Спанаќот е богат со витамини Ц и Е, влакна, ензими и аминокиселини. Најдобро е да се консумира суров, како дел од салата, бидејќи при готвењето ги губи вкусот и аминокиселините.
Домати: Јадењето домати може да одложи многу болести, од дијабетес до камења во бубрезите. Богат е со различни хранливи материи и може да се приготви на многу начини. Затоа е незаменлив дел од здравата исхрана. Доматите се најпознати по нивната висока содржина на ликопен – антиоксиданс неопходен за нашето тело.
Брокула: Брокулата е еден од најздравите зеленчуци, особено ако се јаде сурова. Брокулата има висок процент на влакна, витамин Ц, витамин К, железо и калиум и содржи повеќе протеини од многу други зеленчуци.
Лук: Лукот се смета за најдобар природен лек против вируси и настинки, а неговите лековити состојки се познати уште од античко време. Препораките за секојдневно користење се особено актуелни во зима кога вирусите демнат насекаде. Најхранлив е ако се консумира суров.
