На 25 март „Опен АИ“ ја претстави „4о имиџ џенерејшн“, најновата верзија на генератор на слики што ги воодушеви корисниците за многу кратко време и го преплави интернетот со импресивни резултати.
Таа носи значителни подобрувања во однос на претходните модели, како што е ДАЛЛ-Е 3. Новиот модел овозможува попрецизно генерирање слики, подобра интеграција на текстот и можност за следење сложени кориснички инструкции. На пример, корисниците сега можат да креираат дијаграми, инфографици и друга визуелна содржина со точност што претходно не беше можна.
Генерирањето текст во слики е проблем на многу модели со вештачка интелигенција, кои често „халуцинираат“ со вакви прашања.
Сепак, корисниците на ЧетГПТ што ќе го изберат моделот ГПТ-4o ќе видат драстично подобрување.
Она по што особено полуде интернетот е подобрената генерација на нови слики врз основа на постојните. Всушност, една од најзабележителните апликации е генерирањето портрети во стилот на јапонските студија, што стана многу популарен тренд на социјалните мрежи, особено кога станува збор за стилот на „Студио Гибли“.
