Нега и убавина
Повеќето луѓе користат шампон двапати кога ја мијат косата, дури и фризерите во салоните ќе ви ја измијат косата двапати со шампон, но дали е тоа потребно? Што велат експертите и дали двојното миење на косата со шампон може да ни направи повеќе штета отколку корист. Што е двојно шампонирање? Тоа е практика да се мие косата со шампон двапати по ред. Идејата е дека првиот круг на миење ослободува пот, масло, нечистотија и остатоци од производи, а вториот круг ја чисти косата за полесно да ги апсорбира хранливите материи од третманот.
– Првото миење ја врши валканата работа, а второто миење може да навлезе подлабоко во скалпот за многу чиста коса. Ова може да биде добро за здравјето на скалпот, а како што сите знаеме, здравјето на вашата глава е здравјето на вашата коса – вели дерматологот Ана Цекон.
Кој треба да применува двојно шампонирање? Особено е корисен за оние со густа коса, брановидна текстура, мрсен скалп или редок распоред за миење (помалку од два до три пати неделно). Тоа е исто така важно за оние што користат многу производи за стилизирање и за оние што пливаат и често се во контакт со хлор.
Кој треба да го прескокне двојното шампонирање? Ако вашата коса изгледа добро кога ќе ја измиете само еднаш со шампон или ја миете секојдневно, не ви треба дополнително шампонирање. Премногу шампон може да влијае на природните масла, што може да создаде сувост, иритација или во некои случаи дури и прекумерно производство на масло.
– Не препорачувам двојно шампонирање кај луѓе со многу сува или оштетена коса. Кадравата коса лесно може да се скрши поради сувост, па затоа ги советувам да избегнуваат и двојно миење. Луѓето со бојадисана коса, особено светли бои, можат да ја избледат бојата ако ја шампонираат двапати – вели дерматологот.
Најдобро е да обрнете внимание на потребите на вашата коса и соодветно да се приспособите. Не постои единствен пристап што одговара за сите. Ако чувствувате дека косата и скалпот ви се чисти дури и по едно миење, оставете го така. Ако сè уште мирисате на маснотии или нечистотија, тогаш уште измијте ја косата уште еднаш.
