Медицински совет
Ова е период од годината кога луѓето поминуваат голем дел од своето време кашлајќи, кивајќи и бришејќи го носот. Зимата со себе носи настинки, вируси и грип. „Скенирањето“ на полиците во аптеките и читањето на форумите на интернет може да ве збунат и да ве одведат на погрешен пат кога лекувате настинка и грип. Двајца фармацевти предупредуваат на некои од вообичаените грешки што луѓето ги прават кога сами лекуваат настинка и како всушност да се чувствуваат подобро.
– Луѓето често земаат витамин Ц за да спречат настинки, но има малку докази што го поткрепуваат тоа – објасни Садик Ал-Хасан, фармацевт од Бат.
Некои студии сугерираат дека витаминот може да помогне побрзо да се исчистат настинките, но доказите сè уште се доста неубедливи.
– Друг популарен производ за настинка и грип меѓу пациентите е ехинацеја – објасни фармацевтот.
Ехинацеја е растение за кое експертите некогаш мислеа дека го стимулира имунолошкиот систем поефикасно да се бори против инфекциите. Но неодамнешните студии покажаа дека додатокот во исхраната малку ја намалува можноста за настинка.
Мајк Хјуитсон, фармацевт од Сомерсет, ги предупреди луѓето да не ги користат преостанатите антибиотици што би можеле да ги најдат во својот дом.
– Грипот или обичната настинка се вирусни инфекции и не може да се лекуваат со антибиотици. Не постои директен третман за двете вирусни инфекции, сè е во управувањето со симптомите – додаде тој.
