Анализа на независен аналитички центар составен од научници од пет земји
Се проценува дека кинескиот БДП ќе го надмине американскиот, при што земјата ќе стане најголемата светска економија во 2035 година, се наведува во извештајот објавен од аналитички центар составен од научници од пет земји – САД, Русија, Канада, Индија и Кина. Извештајот посочи дека ветувачкиот раст на Кина ќе ја придвижи светската економија напред.
Во извештајот исто така се истакнува дека Кина треба да се потпре на одржливиот и кумулативен „комплексен интерес“ за да ја постигне својата визија за 2035 година, со помош на постепеното остварување висококвалитетен развој и да негува и развива нови квалитетни производствени сили.
Амбициозната проекција беше од една од 10-те визии за Кина во 2035 година од заедничкиот истражувачки извештај на тим од пет земји, вклучувајќи го и Институтот за финансиски студии „Чонгјанг“ на Универзитетот „Ренмин“ во Кина, објавен во неделата, за време на меѓународен симпозиум. Домашните и странските аналитичари рекоа дека Кина ќе одржи стабилен раст и ќе ја исполни годишната цел за раст на БДП за 2024 година, додека претпазливо се справува со предизвиците.
Според извештајот, Кина ќе ги престигне САД како врвна светска економија околу 2035 година со голема веројатност, доколку го одржи растот на БДП од околу 5 проценти годишно во следните неколку години и најмалку 4 проценти раст до 2035 година. Визијата се заснова на побрзиот економски раст на Кина од американскиот, како и на континуираната апрецијација на јуанот и неговата зголемена интернационализација, но и на долгорочната нагорна перспектива за јуанот во однос на американскиот долар, се наведува во извештајот.
Во извештајот се истакнува дека земјите во развој ќе станат основен мотор на глобалниот економски раст, а нивните високи стапки на раст би можеле да го удвојат глобалниот БДП во следната деценија.
Кина постави цел за раст од околу 5 отсто за својата економија во 2024 година, што ги надмина очекувањата на некои меѓународни институции.
Во 2023 година кинеската економија порасна за 5,2 отсто на годишно ниво, надминувајќи ја официјалната цел од околу 5 отсто, што властите го нарекоа „тешко остварено“ достигнување.
Џон Рос, виш соработник во Институтот за финансиски студии „Чонгјанг“, изјави за „Глобал тајмс“ на симпозиумот дека „нема причина Кина да не ја исполни целта за раст на БДП во 2024 година“.
– Кинеската инвестиција е многу поефикасна од онаа на САД – рече тој, истакнувајќи дека ако Кина инвестира околу 40 отсто од БДП, тогаш растот на БДП на Кина ќе достигне 5 отсто.
Тоа значи дека стапката на економски раст на Кина во голема мера ќе ги надмине САД и ЕУ, врз основа на минатогодишните податоци, а Кина ќе остане главен двигател на светскиот економски раст како и во изминатите 40 години.
Марко Фернандес, бразилски истражувач од Пекинг во Триконтиненталниот институт за социјални истражувања, во неделата изјави за „Глобал тајмс“ дека Кина е веќе поголема економија во однос на куповната моќ по жител и посочи дека е многу можно Кина да ги надмине САД во БДП во американски долари. Фернандес рече дека кинеската економија треба да се соочи со предизвиците што претстојат, вклучувајќи ги прекумерниот капацитет и промената од модел што повеќе се заснова на инфраструктурата во недвижностите кон модел што повеќе се заснова на висока технологија.
– Мислам дека и покрај некои од предизвиците во некои сектори што ги имавме во изминатата година, Кина има многу алатки за да се справи со тоа, многу повеќе отколку што има Западот – истакна тој.
Радика Десаи, професорка на Катедрата за политички студии и директор на Истражувачката група за геополитичка економија на Универзитетот во Манитоба, Канада, за време на семинарот рече дека набљудувачите во Кина и во странство се согласиле дека Кина започнала нова ера на структурна трансформација.
