Претседателот на Кина, Си Џинпинг: „Кина ги почитува американските интереси и не се обидува да ја оспори Америка. На истиот начин САД треба да ја почитуваат Кина и не смеат да ги повредат легитимните права и интереси на Кина. Ниту една страна не треба да се обидува да ја обликува другата страна по своја волја, а уште помалку да ја лиши другата страна од нејзиното легитимно право на развој“
Одгласи од посетата на американскиот државен секретар Антони Блинкен на Кина
Претседателот на Кина, Си Џинпинг, ги повика Соединетите Американски Држави да ја почитуваат Кина и да се почитуваат изјавите на согласност и уважување при неговата средба со американскиот претседател Џо Бајден минатата година.
Претседателот на Кина ги изнесе овие забелешки на средбата со американскиот државен секретар Антони Блинкен, кој изминатиов викенд беше во Пекинг во дводневна посета, што беше негова прва посета на Кина во неговиот сегашен мандат.
Претседателот на Кина истакна дека „на светот му треба генерално стабилна врска меѓу Кина и САД“, при што се заложи „двете земји да можат да го најдат вистинскиот начин да се согласуваат со иднината и судбината на човештвото“.
– Планетата Земја е доволно голема за да ги прифати соодветниот развој и заедничкиот просперитет на Кина и САД – рече тој.
Зборувајќи за конкуренцијата меѓу големите земји, како што неодамна ја посочи Вашингтон, претседателот на Кина нагласи дека таквата конкуренција „не го претставува трендот на времето, а уште помалку може САД да ги решат сопствените проблеми или предизвиците со чие решавање треба се соочува светот“.
– Кина ги почитува американските интереси и не се обидува да ја оспори Америка. На истиот начин САД треба да ја почитуваат Кина и не смеат да ги повредат легитимните права и интереси на Кина. Ниту една страна не треба да се обидува да ја обликува другата страна по своја волја, а уште помалку да ја лиши другата страна од нејзиното легитимно право на развој – додаде тој.
Блинкен му ги пренесе поздравите од Бајден на кинескиот претседател. Тој рече дека Бајден верува дека САД и Кина имаат обврска одговорно да управуваат со нивните односи, додавајќи дека тоа е во интерес на САД, Кина и светот. Тој исто така рече дека САД се посветени на агендата што ја поставија двајцата претседатели на Бали.
– САД остануваат на обврските преземени од претседателот на САД, Бајден, имено дека САД не бараат нова Студена војна и не бараат промена на кинескиот систем, дека сојузите на САД не се насочени кон Кина и дека не ја поддржуваат „независноста на Тајван“ и не бараат конфликт со Кина – рече Блинкен.
Американската страна со нетрпение очекува да има ангажман на високо ниво со кинеската страна, да ги задржи отворените линии на комуникација, одговорно да управува со разликите и да продолжи со дијалог, размена и соработка, додаде тој.
Набљудувачите потенцираа дека кинескиот претседател ги изнел своите забелешки до Блинкен во време кога Вашингтон продолжува да ја потиснува Кина додека го поништува принципот на една Кина, туркајќи ги односите на ново, пониско ниво.
– Затоа многу луѓе надвор од двете земји очекуваа дека, преку двонасочните средби за време на посетата на Блинкен во Кина, двете страни би можеле да се вратат на консензусот постигнат од двајцата шефови на држави на Бали – рече Линг Шенгли, генерален секретар на Меѓународниот безбедносен истражувачки центар на Кинескиот универзитет за надворешни работи.
Ву Ксинбо, декан на Институтот за меѓународни студии на универзитетот „Фудан“, истакна дека во моментов „вкупните врски меѓу Кина и САД сè уште се ранливи и нестабилни“. Во однос на подемите и падовите на врските во изминатите неколку месеци, Ву рече дека клучните лекции што вреди да се забележат вклучуваат дека Вашингтон треба да остане со ладна глава во случај на несреќа и „американската страна треба да биде многу претпазлива во справувањето со прашањата поврзани со тајванско прашање, кое ги вклучува клучните интереси на Кина“.
