Преземањето на власта во Авганистан од страна на талибанците предизвика ненадеен шок кај меѓународната заедница. Брзата природа на овој чин дава впечаток дека бунтовниците мирно чекале погоден момент по повлекувањето на странските сили. Всушност, владеењето на теророт траеше во државата дури и додека таму беа долго време распоредени американски и сојузнички воени припадници од НАТО, како што може да се забележи од Светскиот индекс за тероризам, кој секоја година го објавува Институтот за економија и мир.
Според Институтот, Авганистан е држава која е најмногу погодена од тероризмот, а воедно каде што најмалку владеел мир. Земјата беше на двете спротивни страни на двата индекси веќе неколку години. Авганистан исто така имаше најголеми економски загуби од тероризмот, кои се проценуваа на 16,7 отсто од БДП во 2019 година, што е далеку пред Сирија која е на второто место со само 3,4 отсто. Економските загуби од секое насилство изнесуваа околу 40 отсто од БДП. Во 2019 година, во Авганистан беа регистрирани 5.725 смртни случаи од тероризам, што е повеќе од 40 отсто од вкупниот број во светот. Истата година, 78 отсто од Авганистанците пријавиле дека се чувствуваат помалку безбедни отколку пред пет години.
Се проценува дека талибанците имаат околу 45.000 до 60.000 члена (заклучно со јануари 2020 година). Тие го контролираа Авганистан од 1996 до 2001 година, пред да интервенираат силите на НАТО и да го отфрлат режимот. Сепак, терористичката група се реорганизираше во соседен Пакистан и оттогаш се обидуваше да ја врати контролата во Авганистан со воени средства.
