Во „Јуроп хаус – Скопје“ се одржа новото издание на мултимедијалниот настан „Клинци“ во организација на младинската организација „Култура бета“ и „Јуроп хаус – Скопје“. На настанот се претставија четири поетеси, а паралелно на книжевното читање е поставена и една самостојна изложба. На книжевното читање се претставија младите поетеси Гала Матевска, Ана Тодоровска, Ана Шапкарова и Светла Јакшиќ. Со своја изложба се претстави Сара Митковска. Модератор на настанот беше Андреј Медиќ Лазаревски.
„Клинци“ е циклус од мултимедијални настани во чии рамки се претставуваат млади книжевници и визуелни уметници. Идејата зад настанот е да се претстават новите уметници во полето на книжевноста и визуелната уметност и да се даде простор за претставување на нивното творештво. Досега на настанот се претставиле над триесетина поети и поетеси и уште дваесетина визуелни уметници.
