Кина постигна извонреден напредок во обемот и брзината на развојот на нуклеарната енергија во последниве години, со сеопфатен синџир на нуклеарната индустрија. Владата неодамна даде зелено светло за пет нови проекти за нуклеарна енергија, што е рекорд, така што факт е дека Кина реално зајакнува на полето на нуклеарната енергија, како дел од нејзината транзиција кон зелена и нискојаглеродна енергија
Кина стана лидер и во нуклеарната енергија
Според Џанг Џианхуа, шеф на кинеската национална енергетска администрација, земјата забележа најбрз раст на нуклеарната енергија во текот на изминатата деценија, акумулирајќи големо искуство и инженерски способности во истражување и развој на нуклеарната технологија, инженерски дизајн, производство на опрема и градежни операции. Тој го кажа тоа во Пекинг на неодамнешната промоција на белата книга, со наслов „Кинеската енергетска транзиција“.
Владата неодамна даде зелено светло за пет нови проекти за нуклеарна енергија, што е рекорд, при што Кина драстично зајакнува на полето на нуклеарната енергија, како дел од нејзината транзиција кон зелена и нискојаглеродна енергија.
Сега Кина, како што истакна Џанг Џианхуа, е на првото место во светот по вкупниот број нуклеарни енергетски единици во функција или изградба, што ја прави земјата светски лидер во нуклеарната енергија.
– Нуклеарната енергија стана примарен извор на енергија за источните крајбрежни региони, при што над 20 отсто од вкупното производство на електрична енергија во пет провинции – Лиаонинг, Жеџијанг, Фуџијан, Гуангдонг и Хаинан – доаѓа од нуклеарна енергија, играјќи значајна улога во обезбедувањето напојување. Движејќи се напред, ќе се придржуваме до најстрогите стандарди за оперативно управување, ќе одржиме стабилно и уредно темпо на градба и активно ќе промовираме сеопфатно користење на нуклеарната енергија во греењето, снабдувањето со пареа и десолинирањето на морската вода, постојано зголемувајќи го уделот на нуклеарната енергија во енергетиката и потрошувачката на електрична енергија – рече шефот на кинеската национална енергетска администрација.
