Обновливите извори на енергија не можат да ги заменат фосилните горива прекуноќ. Неопходна е предвидливост на инвестициите во секторот за нафта и гас за да се задоволат растечките глобални енергетски потреби. Меѓутоа, во услови „кога емоциите преовладуваат над разумот“ и „активистите за климата ги диктираат сопствените правила на игра“, невозможно е да се постигне таква предвидливост, беше една од констатациите на конференцијата, на која иако европската енергетска криза како прашање беше на маргините, заинтересираноста за неа кулминира кај учесниците…
Конференција на најголемите светски производители и потрошувачи на течен природен гас
Деновиве во Дубаи се одржа конференција на која се собраа најголемите светски производители и потрошувачи на течен природен гас, како и претставници од сродните индустрии. Тема на речиси сите дискусии, а особено на маргините, секако, беше европската криза. Токму така, како криза, учесниците на форумот ја карактеризираа состојбата во Стариот Свет. Генералниот секретар на ОПЕК, Мохамад Баркиндо, рече дека дури и во контекст на енергетската транзиција, „неопходна е предвидливост на инвестициите во секторот за нафта и гас за да се задоволат растечките глобални енергетски потреби“. Меѓутоа, во услови „кога емоциите преовладуваат над разумот“ и „активистите за климата ги диктираат сопствените правила на игра“, невозможно е да се постигне таква предвидливост. Ваквата ситуација, што е најинтересна, практично не влијае на количеството на емисиите на загадувачи, вклучувајќи и јаглерод диоксид, туку ја поткопува енергетската безбедност на многу региони во светот.
Катарскиот министер за енергетика Саад ал Кааби беше уште покатегоричен. Тој директно изјави дека поскапувањето на бензинот е директна последица на немањето средства за специјализирани проекти, што е последица на обидите вештачки да се забрза енергетската транзиција.
– Постои еуфорија околу обновливите извори на енергија, принудувајќи ги компаниите да ги намалат инвестициите во производството на природен гас. Во исто време, реалноста е дека постои голема побарувачка од сите наши корисници, која, за жал, не можеме целосно да ја исполниме. Ова се должи на фактот дека пазарот не инвестира доволно во индустријата – го цитира Оилпрајс.ком Ал Каби.
Тој додаде дека ниското производство на енергија од ветер, што се забележува во Европа оваа година, е уште еден доказ дека обновливите извори на енергија не можат да ги заменат фосилните горива прекуноќ. Затоа, предуслов се зголемените инвестиции во производството на природен гас, непочитување што може да ја претвори енергетската криза во глобална катастрофа со многу поразорни последици отколку што гледаме денес.
