Детскиот културен центар „Карпош“ годинава по дваесетиседми пат го организира и реализира најмасовниот и најстариот Меѓународен детски фолклорен фестивал „Оро без граници“, што од денеска до 30 септември ќе се одржи во Скопје.
Во досегашново одржување на фестивалот градот Скопје и Македонија биле домаќини на повеќе илјади странски и исто толку домашни деца – фолклорци.
Гости на фестивалот оваа година се ансамбли од Србија, Бугарија, Словенија и осум домашни ансамбли.
Во рамки на фестивалот во сабота на плоштад Македонија ќе биде свеченото отворање на Фестивалот „Оро без граници“ 2018. По отворање на фестивалот следи програмата, настап на сите учесници на фестивалот.
