Нови возбудливи моменти по изборите изминатиов викенд во Романија.
Имено, најпрвин, потсетуваме на невообичаените сцени по минатогодишниот прв круг од претседателските избори, на кои кандидатот на десницата, Калин Џорџеску, извојува неочекувана победа, а потоа кога уставниот суд на земјата презеде невиден чекор и ги поништи изборите два дена пред вториот круг. Набрзо следуваше судскиот прогон на Џорџеску и забрана тој да учествува на следните избори. Тогаш и либералните елити на ЕУ од Брисел застанаа зад актот на политичката елиминација на Џорџеску. Но, од друга страна, европските суверенистички партии покажаа отворена солидарност кон него, како и американскиот претседател Доналд Трамп, кој му даде безрезервна поддршка на Калин Џорџеску.
Клевети и етикети на либералните елити, кои ги стигматизираат суверенистите
Се чини дека ништо не им помогнало на романските власти, потпомогнати од Брисел: ниту обвинувањата кон Џорџеску за злоупотреби во финансирањето на кампањата, ниту тврдењата дека уживал поддршка од Москва, ниту нешто друго. Бидејќи иако Џорџеску не можеше (имаше забрана од страна на судските власти) да учествува на завчерашниот прв круг од романските претседателски избори, идеолошкиот негов колега Георге Симион, суверенист и поддржувач на американскиот претседател Доналд Трамп (и пријател на италијанската премиерка Џорџија Мелони), повторно победи.
Ова јасно укажува дека Романците се желни за промени и дека епизода со Џорџеску не е толку „едноставна“ како што романските (неолиберални) власти сакаа да ја прикажат пред својот народ и светот.
Имено, според нецелосните резултати од речиси 98 проценти од гласачките места во земјата, Симион стигна до вториот круг од изборите, убедливо победувајќи во првиот круг со околу 41 процент од гласовите пред второпласираниот градоначалник на Букурешт и кандидат на центристите, Никусор Дан, кој освои околу 20 проценти од гласовите. Одзивот на гласачите беше речиси ист како и минатата година, при што на гласачките места излегоа околу 9,5 милиони луѓе, или околу 53 проценти од гласачите, според податоците од романската изборна комисија. Симион и Ден ќе започнат нов изборен натпревар во вториот круг, кој ќе се одржи на 18 мај, доколку конечните резултати го потврдат овој постоен резултат откако ќе се пребројат гласовите од дијаспората. Р.С.
Закани од Брисел?
Според извори од бриселската администрација на ЕУ, победата на Симион би можела да ја изолира земјата, да им наштети на приватните инвестиции и да го дестабилизира источниот крило на НАТО. Исто така, се нагласува дека неговата победа би ја проширила групата евроскептични лидери во ЕУ, во која веќе се вклучени унгарскиот и словачкиот премиер, Виктор Орбан и Роберто Фицо, додека Европа се бори да го формулира својот одговор на Доналд Трамп. Таквите реакции од Брисел следуваат бидејќи Симион отворено се претставува како поддржувач на движењето „Да ја направиме Америка повторно голема“ на американскиот претседател Доналд Трамп, и тој остро го критикува раководството на ЕУ и сака да ја запре воената помош за Украина.
Изборите се следат внимателно во Брисел и Вашингтон
Резултатите од изборите внимателно се следат во Брисел и Вашингтон. Ништо необично, бидејќи Романија стана најновото идеолошко бојно поле меѓу либералите и суверенистите. Истото бојно поле сега е изразено меѓу САД и ЕУ, а Романија само е во фокусот и во истиот контекст. Резултатите од завчерашниот прв круг се исто така пораз за владејачката коалиција во Романија, која ја сочинуваат Социјалдемократската партија (ПСД), Националната либерална партија (ПНЛ) и партијата на унгарското малцинство УДМР – која, пак, го поддржа Антонеску.
Георге Симеон: Верувам во Европска Унија што напредува како гнездо за нејзините
разновидни и суверени нации!
Вчера победникот од првиот круг, Георге Симеон, изјави дека не сака да биде пречка во ЕУ, туку реформатор.
– Желбата за реформирање на ЕУ не значи желба за нејзино напуштање. Веруваме во Европска Унија што напредува како гнездо за нејзините разновидни и суверени нации, а не како ригиден систем што спроведува универзални политики – истакна тој. Р.С.
