Пендаровски се сретна со министерката за надворешни работи на Шведска
Претседателот Стево Пендаровски, во рамки на работната посета на Шведска, денеска во Стокхолм оствари средба со министерката за надворешни работи на земјата, Ан Линде.
Претседателот на средбата изразил очекување дека ќе продолжи политиката на проширување на Европската Унија кон Западен Балкан, истакнувајќи дека случајот на Македонија е тест за кредибилноста на процесот.
Во тој контекст, Пендаровски истакнал и дека очекува Шведска да вложи натамошни напори за задржување на прашањето на проширувањето на агендата на Унијата, како и да го поддржи ставот дека билатералните прашања не треба да бидат пречка за интегративниот процес.
Двајцата соговорници на средбата разговарале за европските перспективи на регионот, како и за билатералните односи меѓу Македонија и Шведска.
