Не можам да прифатам да бидам дел од расипани токсични игри водени од амбицијата да се нахранат неколку суети, напиша на Фејсбук Даниела Рангелова, поднесувајќи оставка на функцијата претседател на Унијата на жени на ВМРО-ДПМНЕ.
– И покрај предлогот на претседателот Христијан Мицкоски, да останам да ја водам УЖ до крајот на мојот мандат, јас донесов одлука да поднесам неотповиклива оставка на функцијата претседател на УЖ на ВМРО-ДПМНЕ. Оставката ја поднесувам поради очигледните несогласувања со политиките на раководството на ВМРО-ДПМНЕ. Јас не можам да прифатам да бидам дел од расипани токсични игри водени од амбицијата да се нахранат неколку суети. Да имаш амбиција е позитивно, но да бидеш спремен да газиш преку живи луѓе само за да го задоволиш сопственото его и желбата за моќ е неприфатливо – напиша Рангелова.
Таа во објавата на нејзината оставка пишува дека не може да биде дел од раководство кое што ја однело партијата во изолација.
