Заменик-претседателот на Народното собрание на Бугарија и заменик-претседател на БСП, Кристијан Вигенин им се обрати на пратениците на опозициската ГЕРБ истакнувајќи дека БСП никогаш не дозволиле да ги напаѓаат за темата за Македонија, кога биле во опозиција, јави дописникот на МИА од Софија. Вигенин ги повика ГЕРБ да се обидат да помогнат за одблокирање на процесот, со кој не успеале да се справат.
Бугарскиот премиер Кирил Петков денеска во тамошното собрание ги информира пратениците за последните две средби со македонскиот премиер Димитар Ковачевски.
Поранешната министерка за надворешни работи, сега претеничка од ГЕРБ Екатерина Захариева побара од Петков да намалел со ентузијазмот.
-Намалете го малку ентузијазмот, ќе ја кренете рампата многу високо и потоа ќе треба да се објаснувате. Ова е пријателски совет, а не непријателски – рече Захариева.
Тошко Јорданов, кој е претседател на парламентарната група на „Има таков народ“ партија која е исто така дел од власта му се заблагодари на премиерот Кирил Петков дека е во собраниската сала, споредувајќи го со Бојко Борисов, кој дури и не доаѓал во Народното собрание на Бугарија. Според Јорданов, секакви напори за дијалог и економски врски треба да се поддржат, но и, како што кажа, „Бугарија ќе поддржи Бугарите во Македонија да имаат легални права“. Според него, нештата речиси се различни без да се наложува Бугарија да отстапува од националните интереси.
Копретседателот на „Демократска Бугарија“ Христо Иванов рече дека сака да се преземат дејствија, но како што гледа колку време поминува Владата во Парламентот, рече дека не знае кога ќе се случи тоа.
-Господине премиер, постигнувањето економска кохезија е добра работа, но тоа не го одразува реалниот фокус на проблемите со PCM. Ако вашиот сегашен пристап е да ги подигнете облаците за да покажете дека нешто се случува со ставање на страна на вистинските проблеми, таквиот план нема да функционира и ќе предизвика остра политичка и социјална реакција – изјави пратеникот на ГЕРБ-СДС, Даниел Митов, јави БГНЕС.
Националистичката партија „Преродба“ која е најмалата партија во 47-то Народно собрание се изјасни против, според нив, „фалсификатот и репресијата на Бугарите во Северна Македонија“.
-Треба да ја повторуваме бугарската теза на партнерите во Брисел и во Република Северна Македонија – рече нејзиниот лидер Костадин Костадинов.
