На социјалните мрежи се појави видео од матурант кој качен на возило пред хотелот „Александар палас“ недолично се однесува кон полициски службеник.
Матурантот му покажа среден прст на полицискиот службеник со двете раце качен на покривот на возилото „џип“, а граѓаните се револтирани поради неговата реакција.
Министерството за внатрешни работи соопшти дека го идентификувале матурантот кој недолично се однесувал кон полициски службеници. Тој, како што велат од МВР, ќе биде повикан на разговор во полициска станица и против него ќе биде поднесена соодветна пријава.
– Во врска со прашањето за лицето кое недолично се однесува на јавно место, идентитетот на истиот е утврден и од страна на полициски службеници од ЕВР Карпош ќе биде повикан во Полициска станица Карпош и против него ќе се поднесат соодветни прекршочни пријави – велат од МВР.
