Македонските инженери се со став дека е истечен рокот за склучување на договор за заедничко вложување и основање на друштво за посебна намена помеѓу понудувачот ППЦ-Архиродон (PUBLIC POWER CORPORATION S.A. – Greece & ARCHIRODON GROUP N.V. Greece) и акционерското друштво за производство на електрична енергија електрани, во државна сопственост, Скопје.
– Ваквиот став го темелиме врз основ на роковите определени со точката 5 на одлуката на Владата за избор на најповолна понуда за доделување на концесијата за користење на вода за производство на електрична енергија од хидроелектрични централи на Црна река, стои во реакцијата од Здружението на инженери.
Оваа одлука е влезена на сила на 15 септември 2023 година, а согласно точката 5 од истата, најповолниот понудувач ППЦ-Архиродон беше должен во рок од три месеци од денот на влегувањето во сила на оваа одлука (15 декември 2023 година), да склучи договор за заедничко вложување и да основа друштво за посебна намена со акционерското друштво за производство на електрична енергија електрани, во државна сопственост, Скопје.
Со оглед дека рокот предвиден со оваа одлука е истечен, сметаме дека било каков договор веќе не може да се потпишува – се вели во соопштенито од Здружение на инженери.
