Во координирана полициска акција на локации над селата Лојане и Ваксинце, во месноста викана Топтел, над Кота Шорта, денеска биле пронајдени 39 илегални мигранти од Блискиот Исток, информираат од Министерството за внатрешни работи.
Акцијата, како што информираат од МВР, е спроведена во раните утрински часови, врз основа на наредба издадена од Основно јавно обвинителство за гонење на организиран криминал и корупција, а во координација на Националната единица за сузбивање на криумчарење мигранти и трговија со луѓе – Сектор за криминалистички истраги, при Одделот за сузбивање на организиран и сериозен криминал, во содејство со Одделот за специјални и посебни операции – Единица за брзо распоредување, Полициска станица за граничен надзор „Сопот“ при Регионален центар за гранични работи „Север“.
По расчистување и документирање на случајот, во содејство со надлежниот Јавен обвинител за ГОКК, ќе биде поднесен соодветен поднесок.
