Поранешниот директор на УБК, Сашо Мијалков, демантираше дека давал наредби за прислушување, во своето излагање како еден од обвинетите на денешното рочиште за случајот „Таргет-Тврдина“, односно за нелегалното масовно прислушување, пренесоа повеќе медиуми.
– Не сум имал можност и привилегија да давам такви наредби. Никогаш никому, ни писмено, ни усно, сум дал наредба да изврши какво било дејствие во насока на следење на комуникации – изјави Мијалков, објави СДК.
Поранешниот директор на УБК посочи и дека не бил приложен ниту еден доказ за ваквото тврдење на обвинителството.
