Измамата започнува на интернет и на социјалните мрежи. Сторителите бараат лични информации за потенцијалните жртви на нивните профили на социјалните мрежи. Ова ги вклучува нивното ниво на образование, семејните врски, индикациите за економскиот статус и мрежата на пријатели. Откако ќе го направат тоа, почнуваат со лично пристапување, кога измамникот им приоѓа на потенцијалните жртви во ноќни клубови или преку социјална мрежа
Измами што зачестуваат загрозувајќи ја сигурноста на граѓаните
„Љубовник“ е најновата техника што е широко распространета од криминалците за да регрутираат нови жртви од кои ќе ги исцрпат финансиските средства. Жртвите што се цел најчесто се лица со економски и социјални тешкотии, во присилна проституција и поради ранливоста честопати лесно паѓаат на скапи подароци или ветувања за подобар живот од страна на криминалците. Европол дури излезе со низа предупредувања и препораки за луѓето лесно да успеат да препознаат кога се потенцијални жртви и како да се заштитат.
Како функционира измамата?
Измамата започнува со тоа што сторителите им приоѓаат на потенцијалните жртви под лажен изговор дека сакаат да имаат врска со нив, убедувајќи ги да се дистанцираат од своите блиски и од своите семејства за да можат полесно да манипулираат со нив.
Откако ќе бидат изолирани и ќе паднат на љубовните ветувања, жртвите се принудени на проституција за да заработат пари за нивниот љубовник.
Криминалците, за да ги држат под контрола, најчесто ги користат традиционалните методи на наклонетост, манипулација, насилство и закани дека нешто ќе им направат на членовите на нивните семејства.
Европол дури успешно реализираше акција наречена „Мотли“, со која се сузби овој криминал во кој се користеше љубовник-измамата за да се примамат девојки од Бугарија да работат во Обединетото Кралство.
Сторителите користат различни техники за да ги идентификуваат и изолираат своите жртви. На жртвите обично им се пристапува со лажни изговори. Сторителот, исто така, се надоврзува на првичниот контакт, опсипувајќи ја жртвата со комплименти, подароци или грандиозни изјави на љубов или наклонетост.
Пристапување преку интернет
Во некои ситуации, измамата започнува на интернет и на социјалните мрежи. Сторителите бараат лични информации за потенцијалните жртви на нивните профили на социјалните мрежи. Ова ги вклучува нивното ниво на образование, семејните врски, индикациите за економскиот статус и мрежата на пријатели.
Откако ќе го направат тоа, почнуваат со лично пристапување, кога, измамникот им приоѓа на потенцијалните жртви во ноќни клубови или преку сопствената социјална мрежа. Потоа почнуваат да користат техники за „дотерување“ на жртвата, како што се покажување емпатија, стекнување доверба, давање совети или опсипување со подароци или наклонетост.
Она што од Европол предупредуваат е дека секој може да стане жртва на оваа измама, но главна цел се жените во економски, социјално или психолошки ранливи ситуации.
Жртвите често се луѓе во особено кревок период од нивниот живот или кои лесно се убедуваат од олеснувачите.
Предупредувачки знаци
Од гледна точка на жртвите, сторителите на почетокот се грижливи, љубезни и шармантни. Се чини дека на жртвата ѝ нудат автентична љубов и сочувство. Ова им овозможува да ја заслужат нивната доверба.
Знаците за предупредување започнуваат кога сторителот бара од жртвата да се занимава со проституција, привремено или по исклучок. Сторителот ветува дека заработката на жртвата ќе се користи за заеднички идни планови или потфати од кои заедно ќе имаат бенефиции.
Според досегашната пракса на Европол, постојат низа знаци што покажуваат дека можеби сте во канџите на ваков предатор, па доколку некој забележи дека негов близок е во врска во која партнерот почнува да покажува контролирачко или експлоатирачко однесување, веднаш треба да се побара помош.
Секако, постојат и низа предупредувачки знаци, кои ги утврдиле полициските сили на Европол:
– сторителот почнува да ја доведува во прашање довербата или независноста на жртвата;
– сторителот ја изолира жртвата од пријателите или семејството;
– сторителот почнува да дејствува агресивно или насилно кон жртвата;
– сторителот ја принудува жртвата да врши активности на кои не се согласува. Жртвите што се принудени да вршат неконсензуални дејства или се изложени на навредливо однесување треба да контактираат со националната полиција или со националната телефонска линија за трговија со луѓе – информираат од Европол.
