Основното јавно обвинителство Тетово врши увид на лице место во модуларната ковид-болница во Тетово, каде што вечерва избувна пожар во кој има жртви, чиј број се утврдува.
Во увидот се вклучени тројца обвинители од Основното јавно обвинителство Тетово, на кои им се придружија уште двајца обвинители од скопското јавно обвинителство. Тимот од петмина обвинители, заедно со екипи од надлежните институции, ги преземаат сите дејствија во насока на утврдување на причините за настанатиот пожар.
