Надворешната канцеларија за криминалистички работи Прилеп поднесе кривична пријава против М.С. (57) од Прилеп и правното лице ДООЕЛ „ПЕЛА ТРАНС“-село Мажучиште поради постоење основи на сомнение за сторено кривично дело „злоупотреба на постапка јавен повик, доделување договор за јавна набавка или јавно–приватно партнерство“.
На 10.12.2014 година М.С., градоначалник на Општина Долнени, соопшти денеска МВР, донел одлука за јавна набавка за изградба, одржување, реконструкција и заштита на локалните патишта, улици и мостови во Општина Долнени, во вредност од 15.776.000 денари.
– По распишување на јавната набавка, пријавеното правно лице основано од пријавениот, во прилог на тендерската документација, приложило уверение со невистинита содржина за платени даноци и придонеси, со што извршиле злоупотреба на постапката, стои во соопштението од МВР.
