Српскиот претседател Александар Вучиќ во Белград одржа прес-конференција на која зборуваше за политичката ситуација во државата, но доби и новинарско прашање за случајот „Рекет“ кој ја тресе македонската политичка сцена.
На новинарско прашање за аферата за рекетирањето во Македонија, српскиот претседател истакна дека не сака да се меша во внатрешните прашања на други држави, пренесува „Блиц“.
– Колку што јас знам од добро информирани италијански извори, ќе има уште изненадувања во тој случај и верувам дека сега Зоран Заев го разбира она што му го кажував за одредени лица – кратко коментираше Вучиќ.
