Група од двесетмина туристи од Сингапур и Јапонија со автобус се очекува да пристигнат во Македонија преку граничниот премин Деве Баир, извести денеска министерот за здравство, Венко Филипче. За пристигнувањето на туристите кои доаѓаат од Романија, кадешто има регистриран случај на коронавирус, Министерството било информирано од наша туристичка агенција.
– Известен е локалниот центар за јавно здравје којшто ќе го пречека автобусот. Патниците ќе бидат детално интервјуирани, а потреба и прегледани. Тие доаѓаат од Романија кадешто има веќе регистриран случај и тоа е причина да бидеме нешто повнимателни – рече министерот Филипче.
Во изминатото деноноќие немало нови тестирани за коронавирус, а кај единствената пациентка кај којашто беше потврден вирусот, се чека контролен тест откако тестот вчера покажа дека кај неа нема повеќе коронавирус.
– Нејзниот контролен тест е негативен, но за тоа да се потврди треба да поминат 24-48 часа, тоа ќе го направиме денес или утре. Доколку контролниот тест е негативен , таа не е инфективна, не може да ја пренесе болеста – објасни министерот Филипче.
Патниците кои биле со неа во комбито, возачот како лицата до кои контактирала, а сега се во изолација, министерот Филипче вели дека се здрави. Епидемиолозите прават визита кај нив секој втор ден.
Странците кои неколку дена седеле во хотел во центарот на Скопје се негативни на вирусот. Вчера по тестовите се биле прегледани и со содветна со терапија за нинвата состојба, биле пуштени од Клиниката за инфективни болести.
Од вчера сите странци кои доаѓаат во земјава во моментот кога ќе се вклучат на некоја од нашите мобилни мрежи добиваат порака со податоците каде да се јават доколку почувствуваат симптоми на болеста. Истите податоци во форма на флаери им се делат на патниците на сите гранични премини.
