Кривична пријава против двајца кумановци, поради непочитување на здравствените прописи за време на епидемијата. Едниот не ја испочитувал мерката самоизолација, откако се вратил од странство, а другиот не го затворил ресторанот и во него биле затекнати лица кои консумирале пијалоци.
Едниот пријавен, враќајќи се од Белгија, како ризична земја утврдена на листата на СЗО, на 17.03.2020 влегол во земјава преку ГП Меѓународен аеродром Скопје, при што потпишал изјава за спроведување на задолжителна самоизолација во времетраење од 14 дена. При извршена контрола од страна на полициски службеници од СВР Куманово на 18.03.2020 истиот не е пронајден на адресата која ја навел во изјавата.
На 18.03.2020 пријавениот, како сопственик на угостителски објект „Олимписко дерби“, лоциран во Куманово на улица Моша Пијаде бр.196, постапувал спротивно на издадена мерка од Влада на РСМ, при што објектот бил отворен и во него биле затекнати две лица кои консумирале пијалаци во објектот.
