Големите и помалите политички партии во текот на вчерашниот ден ги изнесоа своите пораки со кои побараа одложување за предвремените парламентарни избори закажани за 12 април, поради состојбата со коронавирусот.
За денеска е закажана лидерска средба, на која домаќин ќе биде претседателот Стево Пендаровски, а ќе присуствуваат првите луѓе на СДСМ, ВМРО-ДПМНЕ, ДУИ, ДПА, Беса, Алтернатива и Алијанса за Албанците. Покрај нив, на средбата ќе присуствуваат и премиерот Оливер Спасовски и спикерот на Собранието, Талат Џафери.
Од политичките партии вчера посочија дека здравјето на граѓаните е приоритет, а изборите може да бидат одложени за понатаму поради епидемијата на коронавирусот.
